Sodium nitrate

Натриум нитрат е сличен на обичната кујнска сол. Најчесто, конзервансот за храна E251 Натриум нитрат се користи за производство на конзервирани месни производи или замрзната преработена храна. Натриум нитрат може да ја врати природната боја на преработеното месо. Можеме да кажеме дека овој конзерванс за храна, им помага на колбасите и месните производи да ја добијат својата карактеристична „боја на месо. Конзервансот за храна E251 се користи како стабилизатор на боја. Сепак, конзервансот E251 може да помогне да се спречи појавата и развојот на анаеробни микроорганизми. Како резултат на научни истражувања и лабораториски експерименти, беше утврдено штетното дејство за нормалното функционирање на човечкото тело. Постои листа на контраиндикации за натриум нитрат. Штетата од конзумирање на конзервансот за храна Е251 Натриум нитрат може да биде особено значајна ако некое лице страда од хипертензија, болести на црниот дроб, цревата, како и од вегетативниот систем. Покрај тоа, може да предизвика дисбиоза, холециститис, како и тешки алергиски реакции. Треба да се напомене дека кога конзервансот за храна Е251 натриум нитрат влегува во човечкото тело, хемиските својства и карактеристиките на нитратот се менуваат. Биолошки активната супстанција натриум нитрат, која е содржана во хемискиот состав на конзервансот, се претвора во канцероген. Во случај на предозирање со натриум нитрат се појавуваат следните симптоми: остра абдоминална болка, грчеви, нарушена координација на движењата, несвестица, вртоглавица и општа слабост.

Monosodium glutamate

Мононатриум глутамат (MSG) е засилувач на вкус кој често се додава во конзервиран зеленчук, супи, сувомеснати производи и друга храна. Кога MSG се додава во храната, таа треба да биде наведена на етикетата. MSG се користи како додаток на храна многу години. Агенцијата за храна и лекови доби многу извештаи за загрижувачки реакции што луѓето ги препишуваат на храната што содржи MSG во нивниот состав. Овие реакции наречени комплекс на симптоми на MSG вклучуваат: главоболка, потење, притисок или затегнатост на лицето, чувство на вкочанетост, пецкање или печење во лицето, вратот и други делови на телото, тахикардија, болка во градите,чувство на мачнина (гадење), слабост.

Вештачки засладувачи

Аспартамот,  попопуларно познат како Nutrasweet, се наоѓа во храната означена како „диетална“ или „без шеќер“. Се верува дека аспартамот е канцероген и е причина за повеќе несакани реакции отколку сите други намирници и прехранбени адитиви заедно. Аспартамот не е ваш пријател. Тој е невротоксин и канцероген. Познато е дека негативно влијае на интелигенцијата и  на краткорочната меморија. Компонентите на овој токсичен засладувач може да доведат до широк спектар на заболувања, вклучувајќи тумор на мозокот, болести како лимфом, дијабетес, мултиплекс склероза, Паркинсонова болест, Алцхајмерова болест, фибромијалгија и хроничен замор. Емоционални нарушувања како напади на депресија и анксиозност, вртоглавици, главоболки, гадење, ментална конфузија, мигрена. Ацесулфам-К претставува релативно нов вештачки засладувач кој се наоѓа во производите за печење, мастики за џвакање и гумени бомбони. Аспартамот се наоѓа во диетални газирани пијалаци или пијалоци кои се означени како производи без шеќер, диетална кока-кола, десерти, мастики за џвакање без шеќер, мешавини за пијалоци, пекарски производи, житарки, производи за освежување на здив, пудинг, колачи, леден чај, витамини за џвакање, паста за заби.

Вообичаени бои кои се користат во производството на храна

Истражувањата покажуваат дека вештачките бои кои се наоѓаат во овошни сокови и преливи за салати, може да придонесат за проблеми во однесувањето кај децата и да доведат до значително намалување на коефициентот на интелигенција. Студиите на животни поврзаа некои бои за храна со рак. Внимавајте на овие: Blue 1 и Blue 2,  забранети се за употреба во прехранбени продукти во Норвешка, Финска и Франција. Може да предизвика хромозомско оштетување. Може да се најдат во бонбони, житарки, безалкохолни пијалоци, спортски пијалоци. Red 3 и Red 40. Забранети во 1990 година по 8 години дебата за употреба во многу прехранбени производи и козметика. Докажано е дека предизвикуваат рак на тироидната жлезда и хромозомско оштетување кај лабораториски животни, а исто така може да го попречи преносот на мозочните нерви. Се наоѓаат во сладолед, бонбони, пекарски производи. Yellow 6 (Е110) и tartazine (Е102) се забранети во Норвешка и Шведска. Го зголемуваат бројот на тумори на бубрези и надбубрежните жлезди кај лабораториските животни, може да предизвикаат хромозомско оштетување. Се наоѓаат во сирење, бонбони и газирани пијалоци…

Видот на месото или храната, времето на готвење, температурата на готвење и начинот на готвење влијаат на формирањето на хемикалии

Избегнувајте директно изложување на месото на отворен оган (скара на жар). 

Хетероцикличните амини (HCAs) и полицикличните ароматични јаглеводороди (PAHs) се двете хемиски класи кои ствараат  загриженост. Лабораториските студии покажуваат дека овие хемикалии доведуваат до промени во ДНК а со тоа предизвикуваат и низа заболувања.

Загриженоста произлегува од откритието дека месото на скара може да формира две хемикалии – хетероциклични амини (HCAs) и полициклични ароматични јаглеводороди (PAHs) – за кои е докажано дека во лабораториските студии ја менуваат ДНК на начин што ги зголемува шансите за развој на различни форми на болест – вклучително и рак на дојка. Првиот, HCAs, се фомира при високите температури кога се создава реакција помеѓу аминокиселините, шеќерите и креатинот во мускулите. PAH се јавуваат кога капките маснотии паѓаат на врел јаглен или грејни елементи и создаваат чад – кој потоа се крева, предизвикувајќи хемикалијата да се залепи за вашата храна

Прекумерното готвење и долготрајното изложување на високи температури го зголемуваат бројот на канцерогени материи во месото.

  • Делумно сварете го месото пред да го печете на скара. Ова го ограничува времето кога месото е изложено на високи температури.
  • Често превртувајте го месото додека се готви. Ова го намалува бројот на штетни хемикалии произведени за време на готвењето.
  • Гответе посно месо. Отстранете ја кожата и видливите маснотии пред печењето на скара. Колку повеќе маснотии на месото, толку повеќе маснотии ќе капат на јагленот или на отворен пламен што резултира со производство на канцерогени хемикалии.
  • Отстранете изгорената кора од месото пред да го консумирате.
  • Маринирајте го месото пред печењето на скара. Маринадите значително го намалуваат бројот на канцерогени во месото на скара се додека не содржат многу шеќер. Рузмаринот во маринадата е особено ефикасен.

Треба да избегнувате се што е обложено со тефлон (обично нелепливи тави). Тефлонот е направен со специфичен вид перфлуоројаглерод (PFC) кој ја прави површината на садовите отпорна на лепење. Проблемот со ова е кога тавите обложени со тефлон се прегреваат (над 260 степени целзиусиви), тефлонските облоги на нелепливите садови почнуваат да се распаѓаат, ослободувајќи токсични хемикалии.

Потребни се само 2,5 минути за традиционална нелеплива тава на висока температура да надмине 260 степени  и да започне да ослободува хемикалии.

Најдобрите нетоксични материјали за садови за готвење:

  • Леано железо обложено со емајл: Изработено од леано железо со стаклена обвивка, садот за готвење се загрева како железни садови, но не го испушта железото во храната за разлика од леаното железо кое не е обложено со емајл. 
  • Нерѓосувачки челик: Супер издржлив и може да се рециклира. Имајте предвид дека тие можат да испуштат никел и хром во храната – особено кога се готви кисела храна (како домати).
  • Керамика без олово: Секогаш проверувајте дали се без токсични експозиции како олово и кадмиум. Најбезбедна опција е 100% керамички тенџериња и тави, а не керамички премази или керамички емајл. Внимавајте керамиката ќе се скрши ако е изложена на екстремни температурни промени, слично на стаклото.
  • Стакло: Ова не може да се користи на шпорет, но можете да го користите за садови за печење. Се смета за една од најбезбедните опции за да се содржи храна, бидејќи не испушта ништо.